ައަންހެނާއާއި، އަދި އެކަމަނާއާ ގުޅުންހުރި ބައެއް ޙުކްމުތައް

ލޮބުވެތި މުސްލިމު އަޚުންނާއި އުޚްތުންނޭވެ

“ހިދާޔަތުގެ މަގު”ގެ 23-24ވަނަ ލިޔުމުގައި ކިޔުންތެރީންނަށް އަޅުގަނޑު މި ހަދިޔާކުރާ ޢިލްމީ މޭވާކޮޅަކީވެސް، އޭގެ އަގު ތިޔަބޭފުޅުން ވަޒަންކުރާނެ މޭވާކޮޅެއްކަމުގައި އަޅުގަނޑު ޔަޤީންކުރަމެވެ. “ހިދާޔަތުގެ މަގު”ގެ އަހްލުވެރީންނަށް، އަދި އެމަގަށް ލޯބިކުރައްވާ ބޭފުޅުންގެ ދީނީ ޢިލްމުގެ، ދީނީ މަޢްލޫމާތުގެ ޚަޒާނާއަށް އިތުރު ފުރިހަމަކަމެއް މީގެ ސަބަބުން ލިބިގެންދާނެކަމަށް އަޅުގަނޑު އުއްމީދުކުރަމެވެ. އެ މަގު ވީހާވެސް ބޮޑަށް ތިޔަބޭފުޅުންނަށް ތަނަވަސްވުމަކީ، އަޅުގަނޑުގެ އެންމެ މާތް އެއް މަޤްޞަދެވެ. މި މަޢްލޫމާތުތައް ނެގުމުގައި އަޅުގަނޑު އަޞްލެއްގެގޮތުގައި ބޭނުންކުރި ފޮތްތަކުގެ ނަންތައް، މަޢްލޫމާތުގެ ތިރީގައި، ބަޔާންކޮށްލާފައިވާނެއެވެ. މިއީ އަޅުގަނޑުގެ ޚިޔާލެއް ފިކްރެއްނޫނެވެ. މިއީ ރައްބާނީ ޢިލްމުވެރީންގެ ފަތުވާއެވެ. އެބޭބޭފުޅުންގެ ޢިލްމެވެ. ކީރިތި ޤުރްއާނާއި އަދި މޫރިތި ސުންނަތުގެ އަލީގައެވެ.

ވީމާ، الله تعالىއަށް ބިރުވެތިވެ މި ޤުލްޒާރުގެ ޢިލްމު ހިއްޕަވާށެވެ! “ހިދާޔަތުގެ މަގު” ޚިޔާރުކުރައްވާށެވެ! އެމަގުގައި ފައިތިލަތައް ޘާބިތުކުރައްވާށެވެ!

ދުޢާއަކީ الله تعالى މި ރައްބާނީ ޢިލްމުވެރީންގެ ޢިލްމުން ތިޔަ ލޮބުވެތި އަޚުންނާއި އުޚްތުންނަށް މަންފާކުރައްވައި، ތިޔަބޭފުޅުންނަށް “ހިދާޔަތުގެ މަގު” އަބަދުވެސް ތަނަވަސްކޮށްދެއްވުމެވެ! އެމަގު ޚިޔާރުކޮށް، އެމަގުގައި ހިނގުމުގެ ހެޔޮ ތައުފީޤުދެއްވުމެވެ! އާމީން!!! އަދި އަޅުގަނޑުގެ އެދުމަކީ؛ الله تعالى އަޅުގަނޑުމެންގެ ހެޔޮ ހުވަފެންތަކުގައި ފުރިހަމަ ކުލަޖައްސެވުމެވެ! އަޅުގަނޑުމެންގެ މި “ޢިލްމީ ޤުލްޒާރު” އޭގެ ތާޒާކަންމަތީ، އެންމެ ފައްކާކަންމަތީ، އަބަދުމެ އަބަދަށް ދަމަހައްޓަވައި، އޭގެ ފައިދާއިން މަރުވެފައިވާ ހިތްތައް ދިރުއްވައި، ދިރުން އެކުލެވޭ ހިތްތަކަށް އިތުރު ހަކަތަ އިތުރުކުރެއްވުމެވެ! އަޅުގަނޑުމެންނަށާއި އަޅުގަނޑުމެންގެ މި އިސްލާމީ އުއްމަތަށް ހިދާޔަތުގެ މަގު ޚިޔާރުކުރުމުގެ ހެޔޮ ވިސްނުމާއި ފުރިހަމަ ތަވްފީޤު ދެއްވުމެވެ! ދެ ދުނިޔޭގެ ބާއްޖަވެރިކަން މިންވަރުކުރައްވައި،  އަބާއްޖަވެރިކަމުގެ މަގުތަކުން އަޅުގަނޑުމެން ސަލާމަތްކުރެއްވުމެވެ!

އާމީން!!!

وصلى الله وسلم على أفضل البشر

ولله الحمد والشكر

މިއީ އިލްމީ ޤުލްޒާރުން ހިދާޔަތުގެމަގުގެ 23 އަދި 24 ވަނަ އަދަދުން ނަގާފައިވާ ލިޔުންކޮޅަކީމުއޭ، މި މަޖައްލާ ޑައުންލޯޑު ކުރެއްވުމަށް ކްލިކް ކޮށްލައްވާ